Ek experiences bakery shop ke owner se janein Bakery Shop + Business ka best advice. Shop location, license required, investment kitna karna hai aur bakery marketing tips.
Puri Jaankari ke liye yeh article padhe:
Anjalika Pastry shop jo Rajouri Garden Delhi ki ek mashoor bakery hai unke owner Vibhor humko batayenge aapko bakery shop ke business plan ke bare mein.
0:29 – Bakery business kaun khol sakte hai? Iske like kya qualification chahiye
Bakery business koi bhi khol sakta hai. Aap agar baking mein ruchi rakhte hai to aap khol sakte hai ya aap kisi ko naukri pe bhi rakh sakte hai jo is business ke bare mein jante ho.
IHM mein 1 se 1.5 years ke diploma course bhi hote hai jo aap karke bakery business ke bare mein knowledge le sakte hai. Aap certificate course bhi kar sakte hai.
0:56 – Bakery shop ki location kitna important hoti hai?
Location kafi zaruri hai. Best hota hai ki aap kisi market mein apni bakery kholein. Dhyan rakhna hai ki aas paas koi aur bakery shop na ho.
1:30 – Minimum kitna space chahiye bakery shop ke liye?
Taqreeban 700 sq foot ki jagah chahiye jahan aap apni manufacturing bhi kar sakte hai aur ek display case laga ke sales bhi kar sakte hai.
1:45 – Bakery shop mein kitna investment hota hai?
Depend karta hai ki aap kis level ka equipment ya raw material use karna chahte hai. Agar basic level ka kaam karna hai to kam se kam 1 se 2 lakh ki investment chahiye. Agar bade level pe karna hai jis mein dining setup bhi ho to cost badh sakti hai.
2:35 – Bakery shop ki shuruaat karne ke liye aapko kaun kaun se products rakhne ya banane chahiye?
Shuruat mein to aap basic products rakh sakte hai. Breads aur cakes se shuru kijiye to kafi cover ho jata hai. App pehle cakes aur breads se shuru kijiye aur phir aur products rakhiye.
3:02 – Bakery products ki packaging, presentation aur display ka kya importance hota hai?
Yeh bahut important hai. Agar display accha hai to product zyada bikega. Agar aap products ko online rakhte ho to presentation kafi zaruri hai. Products ki picture acchi si khichni chahiye to product zyada bikega.
3:50 – Bakery shop kholne ke liye kaun kaun se license ya legal approval chahiye?
Business aspect se aapko
*GST
*FSSAI
agar aap sitting area rakhte hai to aapko Fire aur Police verification and approval bhi chahiye.
4:30 – Bakery shop ki marketing kaise kare
Local area mein aapko pamphlet distribution karna hota hai. Aapko discounts ke saath promotions bhi kar sakte hai. Zomato aur Swiggy mein register kariye jisse aap ka promotion bhi hoga.
5:27 – Bakery business earning
Earning ki koi seema nahi hai. Agar aap acche volumes karte hai to aap kafi kama sakte hai. Margins 30% se 50% tak bhi ho sakta hai.
5:57 – Bakery shop ke business ko aap kaise expand kar sakte hai?
Aap apni nayi branches khol sakte hai aur franchisee bhi de sakte hai jahan aap ek location mein manufacture kar sakte hai aur usko kafi branches ko bhej bhi sakte hai.
—————————————————————–
Expert Consultant:
Mr Vibhore
Owner, Anjalika Pastery Shop
Rajouri Garden, Delhi.
—————————————————————–
Career se sambandhit aur jankari ke liye aap humse humare social media channels par judein.
Facebook – https://www.facebook.com/joshkoshhindi/
Instagram – https://www.instagram.com/joshkoshhindi/
Website – https://www.joshtalks.com/joshkosh/
